ﻛﺎﻻ ﺳﯜﺗﻰ. ﮪﻪﺭﻗﺎﻧﺪﺍﻕ ﺋﯩﭽﯩﻤﻠﯩﻚ ﺋﯩﭽﯩﺪﻩ ﺋﻮﺯﯗﻗﻠﯘﻕ ﺗﻪﺭﻛﯩﺒﻰ ﺋﻪﯓ ﻣﻮﻝ ﺑﻮﻟﻐﺎﻥ ﺑﯩﺮ ﺧﯩﻞ ﺋﯩﭽﯩﻤﻠﯩﻚ ﺑﻮﻟﯘﭖ، ﺋﻮﺯﯗﻗﺸﯘﻧﺎﺳﻼﺭ ﺋﯘﻧﻰ ‹‹ﺋﺎﻕ ﺭﻩﯕﻠﯩﻚ ﻗﺎﻥ›› ﺩﯦﻴﯩﺸﯩﺪﯗ، ﺳﯜﺗﻨﯩﯔ ﺗﻪﺭﻛﯩﺒﯩﺪﻩ ﺋﺎﻗﺴﯩﻞ، ﻳﺎﻍ، ﻣﯧﻨﯧﺮﺍﻝ ﻣﺎﺩﺩﺍ ﯞﻩ ﻣﯩﻜﺮﻭ ﺋﯧﻠﯧﻤﻨﺖ ﻗﺎﺗﺎﺭﻟﯩﻘﻼﺭ ﺑﺎﺭ، ﻛﺎﻻ ﺳﯜﺗﯩﺪﯨﻜﻰ ﻛﺎﻟﯩﺘﺴﯩﻲ، ﻓﻮﺳﻔﻮﺭﻧﯩﯔ ﻧﯩﺴﺒﯩﺘﻰ ﺑﻪﺩﻩﻥ ﺳﯜﻣﯜﺭﻩﻟﯩﮕﯩﺪﻩﻙ ﻧﻮﺭﻣﺎﻝ ﮪﺎﻟﻪﺗﺘﻪ ﺑﻮﻟﯘﭖ، ﺑﯩﺮ ﺋﺎﺩﻩﻡ ﻛﯜﻧﯩﮕﻪ 500 ﻣﯩﻠﻠﯩﻠﯩﺘﯩﺮ ﻛﺎﻻ ﺳﯜﺗﻰ ﺋﯩﭽﯩﭗ ﺑﻪﺭﺳﻪ، 500 ﻣﯩﻠﻠﯩﮕﺮﺍﻡ ﻛﺎﻟﯩﺘﺴﯩﻴﻐﺎ ﺋﯩﮕﻪ ﺑﻮﻻﻻﻳﺪﯗ، ﺑﯘ، ﺑﻪﺩﻩﻥ ﻛﯜﻧﺪﻩ ﺋﯧﮭﺘﯩﻴﺎﺟﻠﯩﻖ ﺑﻮﻟﻐﺎﻥ ﻛﺎﻟﯩﺘﺴﯩﻴﻨﯩﯔ %80ﯨﮕﻪ ﺗﻪﯓ، ﺳﯜﺕ ﻛﺎﻟﯩﺘﺴﯩﻴﻨﻰ ﺗﻮﻟﯘﻗﻼﺷﻨﯩﯔ ﺋﻪﯓ ﻳﺎﺧﺸﻰ ﻣﻪﻧﺒﻪﺳﻰ ﺑﻮﻟﻐﺎﭼﻘﺎ، ﺩﺍﺋﯩﻢ ﺋﯩﭽﯩﭗ ﺑﯧﺮﯨﺶ ﻛﯧﺮﻩﻙ
ﻗﯧﺘﯩﻖ. ﻗﯧﺘﯩﻢ ﻛﺎﻻ ﺳﯜﺗﯩﻨﻰ ﺋﯧﭽﯩﺘﯩﺶ ﺋﺎﺭﻗﯩﻠﯩﻖ ﻳﺎﺳﯩﻠﯩﺪﯗ، ﻗﯧﺘﯩﻘﺘﺎ ﻛﺎﻻ ﺳﯜﺗﯩﺪﯨﻜﻰ ﺑﺎﺭﻟﯩﻖ ﺋﻮﺯﯗﻗﻠﯘﻕ ﺗﻪﺭﻛﯩﺒﻠﻪﺭ ﺳﺎﻗﻠﯩﻨﯩﭗ ﻗﺎﻟﻐﺎﭼﻘﺎ، ﺋﺎﻗﺴﯩﻞ ﺋﻪﯓ ﺯﻭﺭ ﺩﻩﺭﯨﺠﯩﺪﻩ ﭘﺎﺭﭼﯩﻠﯩﻨﯩﭗ، ﺯﯨﻴﺎﻧﻠﯩﻖ ﺑﺎﻛﺘﯧﺮﯨﻴﯩﻨﯩﯔ ﻛﯚﭘﯩﻴﯩﺸﯩﻨﻰ ﺗﻮﺳﯘﭘﻼ ﻗﺎﻟﻤﺎﻱ، ﻳﻪﻧﻪ ﭘﺎﻳﺪﯨﻠﯩﻖ ﺑﺎﻛﺘﯧﺮﯨﻴﻪ- ﺳﯜﺕ ﻛﯩﺴﻼﺗﺎﺳﻰ ﺑﺎﻛﺘﯧﺮﯨﻴﯩﺴﯩﻨﻰ ﻛﯚﭘﻪﻳﺘﯩﺪﯗ-ﺩﻩ، ﺑﻪﺩﻩﻧﻨﯩﯔ ﺳﯜﻣﯜﺭﯛﺷﯩﮕﻪ ﺋﺎﺳﺎﻧﻠﯩﻖ ﺗﯘﻏﺪﯗﺭﯗﭖ، ﺋﯩﻤﻤﻮﻧﯩﺘﯧﺖ ﻛﯜﭼﯩﻨﻰ ﺋﺎﺷﯘﺭﯨﺪﯗ.
ﻛﺎﺭﺑﻮﻧﯩﻚ ﻛﯩﺴﻼﺗﺎﻟﯩﻖ ﺋﯩﭽﯩﻤﻠﯩﻜﻠﻪﺭ.ﺷﯧﻜﻪﺭ ﺗﻪﺭﻛﯩﺒﻰ ﯞﻩ ﺳﯘﻧﻰ ﺗﻮﻟﯘﻗﻠﯩﻐﺎﻧﺪﯨﻦ ﺑﺎﺷﻘﺎ، ﮪﯧﭽﻘﺎﻧﺪﺍﻕ ﻣﻪﻧﭙﻪﺋﻪﺕ ﻗﯩﻠﻤﺎﻳﺪﯗ ﺩﯦﺴﻪﻛﻤﯘ ﺑﻮﻟﯩﺪﯗ. ﮪﺎﺯﯨﺮﻗﻰ ﺯﺍﻣﺎﻥ ﺗﯧﺒﺒﯩﻲ ﺋﯩﻠﻤﯩﻲ ﺗﻪﺗﻘﯩﻘﺎﺗﯩﻨﯩﯔ ﺋﯩﺴﭙﺎﺗﻠﯩﺸﯩﭽﻪ، ﻛﺎﺭﺑﻮﻧﯩﻚ ﻛﯩﺴﻼﺗﺎﻟﯩﻖ ﺋﯩﭽﯩﻤﻠﯩﻜﻠﻪﺭ ﺳﯚﯕﻪﻙ ﻣﺎﺩﺩﯨﺴﯩﻐﺎ ﻧﺎﮪﺎﻳﯩﺘﻰ ﭼﻮﯓ ﺗﻪﺳﯩﺮ ﻛﯚﺭﺳﯩﺘﯩﺪﯨﻜﻪﻥ. ﻛﺎﺭﺑﻮﻧﯩﻚ ﻛﯩﺴﻼﺗﺎﻟﯩﻖ ﺋﯩﭽﯩﻤﻠﯩﻜﻠﻪﺭﺩﯨﻜﻰ ﻓﻮﺳﻔﻮﺭ ﻛﯩﺴﻼﺗﺎﺳﻰ ﺑﯩﻠﻪﻥ ﻛﺎﻟﯩﺘﺴﯩﻲ ﻣﺎﺩﺩﯨﺴﻰ ﺑﯩﺮﯨﻜﯩﭗ، ﻓﻮﺳﻔﻮﺭ ﻛﯩﺴﻼﺗﺎﻟﯩﻖ ﻛﺎﻟﯩﺘﺴﯩﻲ ﺷﻪﻛﯩﻠﻠﻪﻧﺪﯛﺭﯛﭖ، ﺳﯚﯕﻪﻛﻨﯩﯔ ﻛﺎﻟﯩﺘﺴﯩﻴﻨﻰ ﺳﯜﻣﯜﺭﯛﺷﻰ ﯞﻩ ﻛﺎﻟﯩﺘﺴﯩﻴﻨﯩﯔ ﺳﯚﯕﻪﻛﻜﻪ ﺳﯩﯖﯩﭗ ﻛﯩﺮﯨﺸﯩﮕﻪ ﺗﻪﺳﯩﺮ ﻳﻪﺗﻜﯜﺯﯛﭖ، ﺋﺎﺳﺎﻧﻼ ﺳﯚﯕﻪﻙ ﭼﯜﺭﯛﻛﻠﯩﺸﯩﺸﻨﻰ ﭘﻪﻳﺪﺍ ﻗﯩﻠﯩﺪﯨﻜﻪﻥ، ﺩﺍﺋﯩﻢ ﻛﻮﻛﺎﻛﻮﻻ ﺋﯩﭽﯩﺪﯨﻐﺎﻧﻼﺭﻧﯩﯔ ﺳﯚﯕﻪﻙ ﺯﻩﺧﻤﯩﻠﯩﻨﯩﺶ ﺧﻪﺗﯩﺮﻯ ﺋﺎﺩﻩﺗﺘﯩﻜﻰ ﻛﯩﺸﯩﻠﻪﺭﻧﯩﯖﻜﯩﺪﯨﻦ ﺑﻪﺵ ﮪﻪﺳﺴﻪ ﻳﯘﻗﯩﺮﻯ ﺑﻮﻟﯩﺪﯨﻜﻪﻥ. ﻛﺎﺭﺑﻮﻧﯩﻚ ﻛﯩﺴﻼﺗﺎﻟﯩﻖ ﺋﯩﭽﯩﻤﻠﯩﻜﻠﻪﺭﺩﯨﻜﻰ pH ﻗﯩﻤﻤﯩﺘﻰ 5.5 ﺩﯨﻦ ﺗﯚﯞﻩﻥ ﮪﺎﻟﻪﺗﺘﻪ ﺑﻮﻟﯘﭖ، ﺩﺍﺋﯩﻢ ﺋﯩﺴﺘﯧﻤﺎﻝ ﻗﯩﻠﻐﺎﻧﺪﺍ، ﻗﺎﻥ ﺳﯘﻳﯘﻗﻠﯘﻗﻰ ﻛﯩﺴﻼﺗﺎﻟﯩﺸﯩﺸﻘﺎ ﻳﯜﺯﻟﯩﻨﯩﭗ، ﺋﺎﺳﺎﻧﻼ ﮪﺎﺭﻏﯩﻨﻠﯩﻖ ﭘﻪﻳﺪﺍ ﻗﯩﻠﯩﭗ، ﺋﯩﻤﻤﻮﻧﯩﺘﯧﺖ ﻛﯜﭼﯩﻨﻰ ﺗﯚﯞﻩﻧﻠﯩﺘﯩﯟﯦﺘﯩﺪﯨﻜﻪﻥ.
ﻗﻪﮪﯟﻩﻧﯩﯔ ﺋﺎﺳﺎﺳﯩﻲ ﺗﻪﺭﻛﯩﺒﯩﻲ ﻗﻪﮪﯟﻩ ﺋﯩﺸﻘﺎﺭﻯ،
ﺋﺎﻗﺴﯩﻞ ﻣﺎﺩﺩﯨﺴﻰ، ﻳﺎﻍ ﯞﻩ ﻛﺎﻟﯩﻲ، ﻛﺎﻟﯩﺘﺴﯩﻲ، ﻣﺎﮔﻨﯩﻲ ﻗﺎﺗﺎﺭﻟﯩﻖ ﻣﯧﻨﯩﺮﺍﻝ ﻣﺎﺩﺩﯨﻼﺭ ﺑﻮﻟﯘﭖ، ﺋﻮﺯﯗﻗﻠﯘﻕ ﺗﻪﺭﻛﯩﺒﻰ ﻧﯩﺴﺒﻪﺗﻪﻥ ﺋﺎﺯ ﺑﻮﻟﻐﺎﭼﻘﺎ، ﺑﻪﺩﻩﻥ ﺋﺎﺳﺎﻥ ﺳﯜﻣﯜﺭﻩﻟﻪﻳﺪﯗ. ﺑﻪﺩﻩﻧﻨﯩﯔ ﻣﺎﺩﺩﺍ ﺋﺎﻟﻤﯩﺸﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ، ﺋﻮﻛﺴﯩﮕﯧﻦ ﯞﻩ ﺋﻮﺯﯗﻗﻠﯘﻕ ﻣﺎﺩﺩﯨﻼﺭﻧﯩﯔ ﺑﻪﺩﻩﻧﮕﻪ ﺗﺎﺭﻗﯩﻠﯩﺸﯩﻨﻰ ﺗﯧﺰﻟﯩﺘﯩﭗ، ﺑﻪﺩﻩﻧﺪﯨﻜﻰ ﻛﯧﺮﻩﻛﺴﯩﺰ ﻧﻪﺭﺳﯩﻠﻪﺭﻧﯩﯔ ﺳﯩﺮﺗﻘﺎ ﭼﯩﻘﯩﺮﯨﻠﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﻧﯧﺮﯞﺍ ﮪﯜﺟﻪﻳﺮﯨﻠﯩﺮﻯ ﺗﻮﻗﯘﻟﻤﯩﻠﯩﺮﯨﻨﯩﯔ ﺟﺎﻧﻠﯩﻨﯩﺸﯩﻐﺎ ﺗﯜﺭﺗﻜﻪ ﺑﻮﻟﯩﺪﯗ. ﻳﻪﻧﻪ ﮪﻪﺯﯨﻢ ﻗﯩﻠﯩﺶ ﺳﯘﻳﯘﻗﻠﯘﻗﻰ ﺋﺎﺷﻘﺎﺯﺍﻥ ﻛﯩﺴﻼﺗﺎﺳﯩﻨﯩﯔ ﺋﺎﺟﺮﯨﻠﯩﺸﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﭗ، ﮪﻪﺯﯨﻢ ﻗﯩﻠﯩﺸﻘﺎ ﻳﺎﺭﺩﻩﻡ ﺑﯧﺮﯨﺪﯗ.
ﻣﯧﯟﻩ ﺷﯩﺮﻧﯩﺴﯩﺪﻩ ﺋﻮﺯﯗﻗﻠﯘﻕ ﺗﻪﺭﻛﯩﺒﻠﻪﺭ ﻣﻮﻝ ﺑﻮﻟﯘﭖ، ﺗﯜﺭﯨﻨﯩﯔ ﺋﻮﺧﺸﯩﻤﺎﺳﻠﯩﻘﻰ ﺳﻪﯞﻩﺑﯩﺪﯨﻦ ﺋﻮﺯﯗﻗﻠﯘﻕ ﻣﺎﺩﺩﯨﻠﯩﺮﯨﻨﯩﯔ ﻣﯩﻘﺘﺎﺭﯨﻤﯘ ﺯﻭﺭ ﺩﻩﺭﯨﺠﯩﺪﻩ ﭘﻪﺭﻗﻠﯩﻖ ﺑﻮﻟﯩﺪﯗ، ﻣﯧﯟﻩ ﺷﯩﺮﻧﯩﺴﯩﻨﯩﯔ %80ﯨﺪﯨﻦ ﻛﯚﭘﺮﻩﮔﻰ ﺳﯘﺩﯨﻦ ﺗﻪﺭﻛﯩﺐ ﺗﺎﭘﯩﺪﯗ. ﻣﯧﯟﻩ ﺷﯩﺮﻧﯩﻠﯩﺮﻯ ﺗﻪﺭﻛﯩﺒﯩﺪﻩ ﺷﯧﻜﻪﺭ ﻣﯩﻘﺘﺎﺭﻯ %4ﺗﯩﻦ %20ﮔﯩﭽﻪ ﺑﻮﻟﯩﺪﯗ، ﺋﺎﺳﺎﺳﻪﻥ ﻣﯧﯟﻩ ﺷﯧﻜﯩﺮﻯ، ﮔﻠﻮﻛﻮﺯﺍ، ﺳﺎﺧﺎﺭﻭﺯﺍ ﻗﺎﺗﺎﺭﻟﯩﻘﻼﺭ ﺑﻮﻟﯘﭖ، ﺋﯩﺴﺴﻘﻠﯩﻖ ﻣﯩﻘﺘﺎﺭﻯ ﺗﯚﯞﻩﻥ، ﺗﻪﻣﻰ ﺷﯧﺮﯨﻦ ﻛﯧﻠﯩﺪﯗ. ﻣﯧﯟﻩ ﺷﯩﺮﻧﯩﺴﻰ ﺗﻪﺭﻛﯩﺒﯩﺪﻩ ﯞﯨﺘﺎﻣﯩﻦ ﻛﯚﭖ، ﯞﯨﺘﺎﻣﯩﻦ C ﺋﻪﯓ ﻛﯚﭖ، ﺋﯘﻧﯩﯖﺪﯨﻦ ﺑﺎﺷﻘﺎ، ﻳﻪﻧﻪ ﺋﺎﺯ ﻣﯩﻘﺘﺎﺭﺩﺍ ﯞﯨﺘﺎﻣﯩﻦ Bﮔﯘﺭﯗﭘﭙﯩﺴﻰ، ﯞﯨﺘﺎﻣﯩﻦ E ﺑﺎﺭ، ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﻣﯧﯟﻩ ﺷﯩﺮﻧﯩﺴﯩﺪﻩ ﺑﻪﻟﮕﯩﻠﯩﻚ ﻣﯩﻘﺘﺎﺭﺩﺍ ﻛﺎﻟﯩﺘﺴﯩﻲ، ﻛﺎﻟﯩﻲ، ﻣﺎﮔﻨﯩﻲ، ﻓﻮﺳﻔﻮﺭ، ﺗﯚﻣﯜﺭ ﻗﺎﺗﺎﺭﻟﯩﻖ ﻣﺎﺩﺩﯨﻼﺭ ﺑﺎﺭ.
ﭼﺎﻱ ﺋﯩﭽﯩﻤﻠﯩﻜﻠﯩﺮﯨﺪﻩ ﺑﯩﺌﻮﺋﯩﺸﻘﺎﺭ ﺗﯜﺭﯨﺪﯨﻜﻰ ﻣﺎﺩﺩﯨﻼﺭ، ﺷﯘﻧﯩﯖﺪﻩﻙ ﻛﯚﭖ ﺧﯩﻞ ﺋﺎﻣﯩﻨﻮ ﻛﯩﺴﻼﺗﺎﺳﻰ، ﻛﯚﭖ ﺧﯩﻞ ﯞﯨﺘﺎﻣﯩﻦ ﯞﻩ ﻣﯩﻜﺮﻭ ﺋﯧﻠﯧﻤﻨﺘﻼﺭﺩﯨﻦ ﻛﺎﻟﯩﺘﺴﯩﻲ، ﻣﺎﮔﻨﯩﻲ، ﻓﻮﺳﻔﻮﺭ ﻗﺎﺗﺎﺭﻟﯩﻖ ﺗﻪﺭﻛﯩﺒﻠﻪﺭ ﺑﺎﺭ ﺑﻮﻟﯘﭖ، ﺋﯘﺳﺴﯘﺯﻟﯘﻗﻨﻰ ﺑﯧﺴﯩﺶ، ﺳﯜﻳﺪﯛﻛﻨﻰ ﺭﺍﯞﺍﻧﻼﺷﺘﯘﺭﯗﺵ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ. ﺋﯘ ﻳﻪﻧﻪ ﺋﻪﺭﻛﯩﻦ ﺭﺍﺩﯨﻜﺎﻟﻼﺭﻧﻰ ﻳﻮﻗﯩﺘﯩﭗ، ﻗﺎﻥ ﻳﯧﻐﯩﻨﻰ ﺗﯚﯞﻩﻧﻠﯩﺘﯩﺪﯗ. ﺋﺎﺭﺗﯧﺮﯨﻴﻪ ﻗﯧﺘﯩﺸﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﭗ، ﻗﺎﻥ ﺗﻮﻣﯘﺭﻻﺭﻧﯩﯔ ﺋﯩﻘﺘﯩﺪﺍﺭﯨﻨﻰ ﻳﺎﺧﺸﯩﻼﻳﺪﯗ، ﺟﯩﮕﻪﺭﺩﯨﻜﻰ ﻳﺎﻏﻨﻰ ﺧﻮﺭﯨﺘﯩﺪﯗ، ﭼﺎﻱ ﺋﯩﭽﯩﻤﻠﯩﻜﻠﯩﺮﯨﻨﻰ ﺋﯘﺯﺍﻕ ﻣﯘﺩﺩﻩﺕ ﺋﯩﭽﯩﭗ ﺑﻪﺭﮔﻪﻧﺪﻩ، ﺗﯜﺭﻟﯜﻙ ﺭﺍﻙ ﻛﯧﺴﻪﻟﻠﯩﻜﻠﯩﺮﯨﻨﻰ ﺋﯜﻧﯜﻣﻠﯜﻙ ﺗﻮﺳﯘﭖ ﻗﺎﻟﻐﯩﻠﻰ، ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﯩﻨﻰ ﻛﯜﭼﻪﻳﺘﻜﯩﻠﻰ ﺑﻮﻟﯩﺪﯗ.
ﻣﻪﻧﺒﻪ: ﺷﯩﻨﺨﯘﺍ ﺗﻮﺭﯨﺪﯨﻦ ﺋﯧﻠﯩﻨﺪﻯ
