【on.cc东网专讯】于元旦下嫁影星樊少皇的艺人贾晓晨（JJ）出席美容公司开幕礼，笑言现在仍未适应被称呼樊太：「怪怪哋咁，都系叫番我JJ好啲，好似好成熟。（唔识应？）有时会，因为我又冇摆酒，只系签咗纸，唔觉得有咩变化，但称呼就变咗。（会唔会补摆酒？）之前有谂过，但做做吓愈做愈唔想做，拍完戏希望放松休息吓，再计划太辛苦，但身边朋友都劝我摆酒，人生第一次，系唯一一次，所以依家谂紧。（老公意思呢？）佢好睇我，我想，佢就配合我，我唔想，佢都OK。」

谈及早前到峇里参出席吴奇隆与刘诗诗的婚礼，大赞环境幽美，会考虑在小岛补摆婚宴：「嗰度好靓、好特别，可以一班朋友去玩，同埋之前有朋友介绍新西兰，都有谂过。」

中医助调理身子

问是造人大计？她说：「太多朋友问我呢个问题，但我发觉自己仲未准备好，自己仲好似细路仔，如果叫我去照顾细路仔，我惊唔得，希望自己思想成熟啲先。（你想唔想有？）我只系想有，但唔识照顾，所以好担心，呢度送咗产后收身产品畀我，我好惊生完之后会肥，因为我好易肥，如果有呢个产品就吸引啲，快啲生完快啲瘦番，可以考虑。（男家有冇催？）其实又冇，不过少皇就成日介绍啲中医畀我调理身子，之前食咗3个月药，好容易肥，好彩呢排拍戏瘦番。」

怀孕要靠意外

她又谓如果开始生小朋友的话，会连续生多几个：「好似完成一个任务咁，但我真系好惊好肥同唔识照顾，我觉得如果要我照顾小朋友，我惊教到佢好唔成熟，我需要成熟啲！（仲要几耐时间去成熟？）需要突然间迫住我生先得。（要有意外？）系，因为如果要等我成熟，我谂我呢世都成熟唔到，我由细到大就系咁天真，锺意笑同谂嘢好简单，所以顺其自然啦！可能突然有咗都唔定。」

新人入群请长按以下二维码：