香港艺人陈俞希（Hailey）日前到新西兰出席朋友婚礼，一向活泼好动的她于旅程中大玩sky diving兼cliff hanger，于一天内连签两张生死状。对于此次初体验，Hailey说：「第一次玩sky diving，由一万五千呎跳落嚟嗰下都咪话唔惊，不过好在之前我仲玩咗个cliff hanger有定个心理准备，好刺激。不过冇谂过第一次签（生死状）就签两张。」她又谓：「因为之后都会拍番啲旅游节目，所以今次都当系取经，又顺便休息。」

自嘲哈比人

问她旅程中有何趣事发生？Hailey即大呻与好友于农场一次「斗快喂奶」比赛中，惨被羊羊「嫌弃」：「有一次我同我啲朋友去咗个农场，咁啱嗰度又有人邀请我哋上台玩，但因为我哋事前唔知系玩啲咩，后尾先发现原来系要我地斗快喂晒手上啲奶，不过唔知点解啲羊仔又唔过嚟饮我啲奶，所以就输咗。但最后佢哋都送咗啲即场剪嘅羊毛畀我哋当系纪念品，都几难忘。」

外形娇滴滴的Hailey期间更到了当地的「哈比人村」，她笑言：「我啲朋友成日都笑我细粒，入到去真系咩都缩细几倍，好似返咗自己乡下咁，所以都好有亲切感。」